xari

Türkiyəni yasa boğan faciələrin baş vermə səbəbi məlum oldu

DÜNYA
11:04 05.03.2021
3646
Ötən gün Türkiyə Silahlı Qüvvələri ardıcıl faciə xəbərlərinə qərq oldu.

Qardaş ölkədə eyni gündə bir hərbi helikopter və bir hərbi avtomobilin qəzası nəticəsində 11 hərbçi şəhid oldu, 11 hərbçi isə yaralandı. İtkilər içərisində yüksəkrütbəli hərbçilərin olması isə faciənin dəhşətini daha da artırırdı.

Türkiənin Bingöl şəhərindən Bitlisə yola düşən "Cougar” tipli hərbi helikopteri ilə 15:25-də rabitə itmişdi. Qəza nəticəsində içərisində Elazığ 8-ci ordu korpusunun komandiri, korpus generalı Osman Erbaşın da olduğu 9 hərbçinin şəhid olması, 4 nəfərin isə yaralanması açıqlandı. Lakin bir müddət sonra yaralılardan ikisi də dünyasını dəyişərək, şəhid sayı 11-ə çatıb.

İlkin açıqlamaya gör, hadisəyə anidən dəyişən hava şəraiti səbəb olub. Hazırda hadisə ilə istintaq qrupu yaradılıb və ətraflı araşdırma aparılır.

Qeyd edək ki, Türkiyə Silahlı Qüvvələrinin inventarına 1990-cı ildə daxil edilən "Cougar” tipli hərbi helikopteri ilə bugünədək 4 qəza olub və bu qəzalar nəticəsində həyatını itirən türk hərbçilərin sayı 37-ə çatıb.

Digər qəza Şırnak bölgəsində, Şırnak-Cizrə avtomobil yolunun 25-ci kilometrliyində baş verib. Hərbi avomtobilin aşması nəticəsində 11 hərbi qulluqçu xəsarət alıb. Bu baş vermiş qəzaya isə havanın yağışlı, yolun sürüşkən olması səbəb olub. Hazırda həmin 11 hərbçinin həyatı ilə bağlı ciddi narahatlıq yoxdur.

Bütün Türkiyəni dərin hüznə qərq edən hadisə nəticəsində ilk başsağlığı mesajını Azərbaycan prezidenti İlham Əliyev verdi. Müdafiə, Xarici işlər, Mədəniyyət nazirləri də daxil olmaqla bir çox dövlət rəsmilərinin ünvanladığı başsağlığında qardaş ölkə ilə həmrəylik ifadə olunurdu.
 
///BAKU.WS

OXŞAR XƏBƏRLƏR