AZXEBER.COM-un AzərTAc-a istinadən xəbər verir ki,Bakıda və Abşeron yarımadasındahava dəyişkən buludlu, əsasən yağmursuz keçəcək. Axşam buludluluğun artacağı, gecəyə doğru bəzi yerlərdə yağış yağacağı gözlənilir. Bakıda gecə 3-5°, gündüz 8-10° isti olacaq. Atmosfer təzyiqi 768 millimetr civə sütununa bərabər, nisbi rütubət 70-80 faiz olacaq. Naxçıvan Muxtar Respublikasındahava əsasən yağmursuz keçəcək, bəzi yerlərdə duman olacaq. Temperatur gecə 1-6° şaxta, gündüz 7-12° isti olacaq. Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy rayonlarındahava əsasən yağmursuz keçəcək. Gecə və səhər arabir duman olacaq. Temperatur gecə 1-6° şaxta, gündüz 2-7° isti olacaq. Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarındahava əsasən yağmursuz keçəcək. Səhər bəzi yerlərdə duman olacaq. Temperatur gecə 1-5°, gündüz 7-12° isti olacaq. Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən-Şabran, Quba-Qusar-Xaçmaz rayonlarındahava əsasən yağmursuz keçəcək. Gecə və səhər bəzi yerlərdə duman olacaq. Temperaturun gecə 1-6° şaxta, gündüz 2-7° isti, dağlarda gecə 5-10° şaxta, gündüz 0-5° şaxta olacağı gözlənilir. Yüksək dağlıq ərazilərdə havanın minimal temperaturu 12-17° şaxta təşkil edəcək. Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarındahava əsasən yağmursuz keçəcəkdir. Gecə və səhər bəzi yerlərdə duman olacaq. Temperatur gecə 1-5° isti, gündüz 8-13° isti təşkil edəcək. Masallı-Lənkəran-Astara-Lerik və Yardımlı rayonlarındahava gündüz əsasən yağmursuz keçəcək. Lakin gecə və axşam bəzi yerlərdə yağıntılı, dumanlı olacağı gözlənilir. Temperatur gecə gecə 1-6° isti, gündüz 7-10° isti, dağlarda gecə 2-7° şaxta, gündüz 1-5° isti olacaq. Tibbi-meteoroloji proqnoz:noyabrın 18-də meteoroloji amillərin mülayim dəyişikliyi əksər meteohəssas insanlar üçün əlverişli olsa da, noyabrın 19-da nisbi rütubətliyin bir qədər çox olması meteohəssas insanlarda narahatlıq hissi yarada bilər.