Ələsgər Məmmədli: "Bu faktlar göz önündə ola-ola biz necə deyək ki, beynəlxalq təşkilatlar qərəzlidir?" (EKSKLÜZİV)
MARAQLI
12:48 05.05.2011
2155
“Freedom House”-u qərəzli adlandıranlar əvvəl daxildəki problemləri həll edib sonra başqalarının fikrinə münasibət bildirməlidir. Bizim heç bir jurnalistimiz həbsdə deyilmi? Heç bir jurnalist döyülub oğurlanmırmı? Jurnalistlər narkotika iddiası ilə tutulmurmu? Xulianlıqdan iş açılmırmı? Bu faktlar göz önündə ola-ola biz necə deyək ki, beynəlxalq təşkilatlar qərəzlidir? Əgər Azərbaycan mediada söz azadlığı sahəsində süddən çıxmış ağ qaşıq olsa digər təşkilatlar da onu qara görməzlər.
Ə.Məmmədlinin sözlərinə görə, “Freedom house” Azərbaycanla bağlı hesabatı kimi Ermənistanla bağlı hesabatına da tənqidi yanaşıb. Lakin Azərbaycanla bağlı hesabatı qərəzli adlandıranların Ermənistanla bağlı olanı obyektiv hesab edirlər: “Təşkilat obyektivdirsə hamıya qarşı elədir, qərəzlidirsə hamıya qarşı qərəzlidir. Bir təşkilatın fəaliyyətinə sərf edəndə obyektiv, etməyəndə qərəzli deyirlərsə bu özü ikili yanaşmadır”.
