2006-cı ildə uşaq pornosuna görə həbsə girib çıxan, 2010-cu ildə 3 uşağa təcavüz edən, 20-yə qədər uşağa təcavüz etdiyinə görə yenidən həbs olunan Cüneyt Kurtoğlu eyni səhvi yenidən təkrarlayıb.

Belə ki, 4 aydır mühakimə olunan Kurtoğlu bu müddətdə daha 7 uşağa təcavüz edib və 3-cü dəfə həbsə olunub.

Cüneyt Kurtoğlu (33) ilk dəfə 2006-cı ildə təşkil edilən uşaq pornosu əməliyyatında nəzarətə aparılıb. O, 5.5 ay həbsxanada qalandan sonra 25 yanvar 2007-ci ildə məhkəmə nəzarəti şərti altında azad edilib.

2010-cu ildə internet üzərindən uşaq pornosu paylaşan, təcavüz və təcavüz etdikləri uşaqların görüntülərini yayımlayan saytları yaxalama əməliyyatında tutulan 180 adamdan biri yenə o idi. 20-yə qədər uşağa təcavüz edən Kurtoğlu ikinci dəfə həbs olunub.

Qərar ləğv edildi

Mühakimə olunduğu iddialardan birində 27 ilə qədər həbs cəzası alıb. Kurtoğlu qərarı şikayət edib. Şahidlər tam dindirilmədiyi üçün qərar ləğv edilib. Kurtoğlu 2013-cü ilin iyulunda yenidən azadlığa çıxıb.

3-cü dəfə həbsdə

İddiaya görə, 2.5 il qaldığı həbsxanadan çıxan Cüneyt Kurtoğlu internet üzərindən və məktəblərə gedərək müxtəlif hədiyyələrlə aldatdığı qızları evinə dəvət edib. Kurtoğlu bu üsulla evinə apardığı 7 qız uşağına təcavüz edib. 12 yaşlı bir qızın ağlayaraq evinə gedib vəziyyəti ailəsinə danışmasından sonra hadisə ortaya çıxıb. Kurtoğlu isə noyabrın 7-də yenidən həbs olunub.(publika.az)