ABŞ Müdafiə Nazirliyi (Pentaqon) Ukraynaya uzaq mənzilli ATACMS taktiki ballistik raketləri göndərməyə hazırdır.
AZXEBER.COM "report"a istinadən xəbər verir ki, bu barədə ABŞ rəsmiləri məlumat verib.
Qeyd olunub ki, Ukrayna dəfələrlə ABŞ-dan Krıma hücumlar üçün təxminən 290 km məsafəyə gedib çatmağa qadir olan ATACMS raketlərini tədarük etməyi xahiş edib. Lakin ABŞ Prezidenti Cozef Bayden administrasiyası bu ideyaları qəbul etməyib: "Onlar deyirdilər ki, bu silahlar ABŞ-nin özünə lazımdır. Amma indi Pentaqon bu raketləri verməyə hazırdır. Çünki ABŞ öz ehtiyacları üçün yeni yüksək dəqiqlikli raketlərdən (Precision Strike Missile, PrSM) istifadə edə bilər”.
Eyni zamanda, bildirilib ki, ABŞ-nın Ukrayna üçün nəzərdə tutduğu 300 milyon dollarlıq yeni yardım paketinə təxminən 160 km-ə çata bilən orta mənzilli ATACMS üçün kasetli sursatlar daxildir.
