"Bu həftə Sumqayıt şəhərində də laboratoriya quraşdırılıb”.
AZXEBER.COM-un verdiyi xəbərə görə, bunu TƏBİB-in İdarə Heyətinin sədri Ramin Bayramlı deyib. O bildirib ki, təxminən 150 minə yaxın test edilib: "Bizim uğurumuzun səbəblərin biri də xəstəliyi vaxtında aşkar edə bilməyimiz, erkən müalicəyə başlamağımızdır. Artıq sağalmış şəxslərin plazmasının ağır xəstələrə köçürülməsinə başlanılıb. Sabahdan etibarən donorlardan plazma alıb ağır xəstələrə tətbiq edəcəyik. 92 yaşlı xəstə nənəmizin sağalması tibbi xidmətin səviyyəsinin göstəricisidir. Türkiyədən gətirilən mütəxəssislər artıq işə başlayıblar. Azərbaycanda ən çox yoluxma 6-12 aprel arasında 514 nəfər olub”.
Ramin Bayramlı qeyd edib ki, Bakı, Sumqayıt, Abşeron, Gəncə və Lənkəran sxemlərdə narıncı rənglə qeyd olunub: "Bu yerlərdə aktiv yoluxma halları 50-dən çoxdur. Aktiv hallar daha çox Gəncə və Lənkərandadır. Bu, əhali karantin rejiminə yetərincə əməl etməmələrinin göstəricisidir”.
TƏBİB sədri əlavə edib ki, karantin rejiminin sərtləşdirilməsi və ya yumşaldılması yoluxma sayına uyğun olacaq.
