Almaniyada iqamətgaha silahlı hücum olub.
AZXEBER.COM xarici KİV-ə istinadən xəbər verir ki, Almaniyanın Aşağı Saksoniya əyalətində iqamətgaha silahlı hücum nəticəsində 4 nəfərin həyatını itirdiyi bildirilib.
Polis və prokurorluğun verdiyi açıqlamada səhər saatlarında vilayətin Şessel qəsəbəsində silahlı şəxsin evə hücum etdiyi bildirilib.
Açıqlamada hücumda 1-i uşaq olmaqla 4 nəfərin öldüyü qeyd edilib.
Yerli KİV-lər şübhəlinin keçmiş sevgilisinin evinə hücum edərək evdəki insanları öldürdüyünü iddia edib.
Şübhəlinin Almaniya Silahlı Qüvvələrinin əməkdaşı olduğu və hadisədən sonra təslim olduğu bildirilib.
Hadisə ilə bağlı araşdırmalara başlanılıb.
Mikayıl
