ABŞ-də yaşayan aktyor Arnold Şvartsenegger və aktrisa Cennifer Eniston prezident seçkilərində Kamala Harrisi dəstəklədiklərini açıqlayıblar.
AZXEBER.COM Qərb mediasına istinadən xəbər verir ki, Şvartsenegger və Eniston bu barədə sosial media hesablarında yazıblar.
Şvartsenegger "X” hesabında verdiyi açıqlamada siyasətə nifrət etdiyini və əksər siyasətçilərə güvənmədiyini bildirib.
Keçmiş Respublikaçı olduğunu xatırladan aktyor "Hazırda heç bir partiyanı bəyənmirəm. Respublikaçı olmamışdan əvvəl həmişə amerikalı olacağam. Ona görə də bu həftə Kamala Harris və Tim Valza (Demokratların vitse-prezidentliyə namizədi) səs verirəm" - deyə Şvartsenegger bildirib.
Emmy mükafatlı aktrisa Cennifer Aniston da İnstaqram hesabında erkən səsvermə mərhələsində Harris və Valza səs verdiyini paylaşıb.
Eniston qeyd edib ki, o, təkcə səhiyyəyə çıxış, bərabər hüquqlar və ədalətli iqtisadiyyat üçün deyil, həm də ruhi sağlamlığı üçün səs verib.
İzləyicilərini qorxu, xaos və demokratiyaya qarşı hücumlar dövrünü bitirəcək birinə səs verməyə çağıran Aniston, Kamala Harris və Tim Valza qürurla səs verdiyini yazıb.
Cəmalə
