Əməkdar artist Aybəniz Haşımova və 2006-cı ilin “Xalq ulduzu” yarışmasının qalibi Vəli Səfərov birgə ifa etdikləri “İntizar” adlı duetə çəkdirdikləri klipi təqdim ediblər.
AZXEBER.COM-un verdiyi xəbərə görə, mərasimində əməkdar artistlər Aybəniz Haşımova, Firuzə İbadova, müğənnilər Nurlan Əzizbəyli, Aslan, Aynişan, media nümayəndələri və başqaları olub.
Tədbiri giriş sözü ilə açan əməkdar artist Aybəniz Haşımova ekran işi haqqında danışıb: “Bu gün “Sevgililər günü” olduğu üçün “İntizar” adlı klipi məhz iyun ayının 30-u təqdim etmək istədik. Vəli çəkiliş zamanı çox həyacanlı idi. Eyni zamanda utanırdı. Ancaq fikrimcə bir çox manelərə baxmayaraq, yaxşı iş ərsəyə gətirə bilmişik”.
Klip haqqında Vəli Səfərov da öz fikirlərini bildirib: “Bildiyiniz kimi, “Xalq ulduzu” yarışmasında Aybəniz xanım münsiflər heyətinin üzvü idi və mənim oxuduğum bəstələrə iradlar bildirirdi. Həmin ərəfələr onun sözlərini qəbul etməsəm də, bir müddətdən sonra anladım ki, Aybəniz xanım bir çox nöqsanları düz deyirmiş”.
Təqdimetmə mərasimində iştirak edən tanınmışlar səbəbkarlara uğurlar arzu ediblər.
Qeyd edək ki, “İntizar” adlı bəstənin sözləri Südabə Şəfaya, musiqisi Nüşabə Muradovaya aiddir. Klipinin rejissoru isə Azər İbrahimovdur.
