Beynəlxalq Muğam Mərkəzində "Azərbaycan muğamı" layihəsi çərçivəsində xalq çalğı alətləri ifaçılarının konserti keçirilib.
AZXEBER.COM xəbər verir ki, əməkdar artist Təranə Əliyevanın rəhbərliyi ilə "İnci" ansamblı, Əməkdar artist Şirzad Fətəliyev, İdris Hüseynov və "Etnoud" qrupu, Səxavət Məmmədov, "Misri" aşıq qrupu, İdris Tağıyev, Elnur Salahov, İsmayıl Zülfüqarov, Bayram Əliyev və Mirnofəl Həsənov çıxış ediblər. Milli alətlərimiz olan qanun, balaban, ud, tar, kamança, saz alətlərində səslənən muğam və xalq mahnıları, Azərbaycan bəstəkarlarının əsərləri bu dəfə hər bir ifaçının özünəməxsus yanaşması ilə təqdim edilib.
Layihənin məqsədi klassik ənənələri müasir yanaşmalarla təqdim etməkdir. İfaçılıq ənənələrinin yaşadılması və ötürlüməsinə yönələn bu layihə ayda bir dəfə olmaqla sənətsevərlərin görüşünə gəlir.
