2014-cü ilin iyun ayında ənənəvi olaraq Suriyada keçirilən IX Beynəlxalq karikatura müsabiqəsi başa çatıb.

AZXEBER.COM  APA-ya istinadən xəbər verir ki, bu barədə Azərbaycan Karikatura Rəssamlar Birliyindən bildirilib.

Müsabiqə “Dünya bir səhnədir” mövzusuna həsr edilib. Münsiflər heyətinin tərkibinə Fransa, Rumıniya, İran, Mərakeş və Xorvatiyadan olan məşhur karikaturçu-rəssamlar daxil olub.

Müsabiqədə müxtəlif ölkələrdən yüzlərlə rəssam iştirak edib. Azərbaycandan olan karikaturçu-rəssam Bayram Hacızadə qızıl medala layiq görülüb.

Bu, azərbaycanlı rəssamın beynəlxalq müsabiqələrdə qazandığı beşinci qızıl medaldır.