AZXEBER.COM xəbər verir ki, sözügedən körpə Bakıda dünyaya göz açıb.

Doğuşdan 1 gün sonra körpədə xaya törəməsi aşkarlanıb. Valideynlərinin qeyd etdiyi qədərilə, burada adla tanınan uroloqların çoxunun qəbulunda olublar. Hər kəs eyni sözü deyirdi: "Uşağa əziyyət verməyək, onsuz da sağ qalma şansı yoxdur”. 

Nəticə etibarilə, ümidini Allahdan üzməyən valideynlər arayıb-araşdırıb, Türkiyənin Hacettepe universitetində uşaq urologiyası üzrə yandal uzmanlıq  təhsilini alaraq eyniadlı xəstəxanada fəaliyyətə davam edən həmyerlimiz Üst. Uzm. Dr. Kamranbəy Qasımova müraciət etməyə qərar veriblər. Türkiyədə pasiyenti qəbul edən Kamranbəy həkim Hacettepe xəstəxanasındakı professorlarla da məsləhətləşərək qərara gəliblər ki, uşağı zaman itirmədən əməliyyata alsınlar. Bir neçə saat çəkən əməliyyat uğurla yekunlaşıb və körpədəki törəmə tamamilə götürülərək həyatı xilas edilib. 

Valideynləri bildirirlər ki, uşaq hal-hazırda normal inkişaf dövrünü keçirir, öz yaşıdlarından hər hansı geri qalma müşahidə olunmur. Kamranbəy həkim isə bu hadisəni sadəcə bir cümləy ilə izah edib: "Can bədəndə ikən yaşamağa ümid hər zaman var, bizim bir həkim olaraq borcumuz və məsuliyyətimiz 1% olan ehtimalı belə ehtimaldan reallığa çevirməkdir. Nə mutlu bizə ki, Allahın iznilə bir can daha qurtarmış olduq. Sadəcə üzərimizə düşən vəzifəni icra etdik”.