Birləşmiş Millətlər Təşkilatının (BMT) 78-ci Baş Assambleyasının sədri Dennis Francis Qəzzada əhalinin böyük bir hissəsinin didərgin düşdüyünü bildirib.
AZXEBER.COM xarici mediaya istinadən xəbər verir ki, o bildirib ki, qlobal münaqişələr və iqlim dəyişikliyi 300 milyon insanı humanitar yardıma möhtac qoyub.
İsrailin hücumlarına məruz qalan Qəzza zolağında günahsız mülki əhalinin ağrılarının dözülməz həddə çatdığına diqqət çəkən Francis deyib:
"Qəzzada əhalinin 90%-dən çoxu didərgin düşüb. İnsanlar aclıq astanasındadır və gözlənilən, lakin qarşısı alına bilən ictimai sağlamlıq fəlakətinin dərinliklərində tələyə düşüblər”.
Qəzzada ən çox əziyyət çəkənlərin müdafiəsiz insanlar olduğuna diqqət çəkən Francis qadın və uşaqların ümidsiz və qeyri-müəyyən bir gələcəklə üzləşdiyini, günahsız mülki vətəndaşların haqsız olaraq həyati təhlükəsi olan yanğının ortasında qaldığını bildirib.
Ayşən
