2011-ci ilin 27 sentyabr - “Ümumdünya turizm günü”dür. Bu münasibətilə Azərbaycan Respublikasının Mədəniyyət və Turizm Nazirliyinə tabe olan bütün tarix-memarlıq qoruqlarında “Açıq qapı” günü keçirilir. Nazirliyin mətbuat xidmətindən verilən məlumata görə, bu münasibətlə bir neçə qoruqda ədəbi-bədii proqramın keçirilməsi planlaşdırılır.
Eyni zamanda Hacıqabul rayonu “Pir Hüseyn Xanəgahı” tarix-memarlıq qoruğunda Azərbaycan Respublikası Mədəniyyət və Turizm Nazirliyinin və Hacıqabul Rayon İcra Hakimiyyəti nümayəndələrinin, ziyalı və məktəblilərin iştirakı ilə ədəbi-musiqili tədbirin keçirilməsi nəzərdə tutulur. Tədbir zamanı Nazirliyin layihəsi əsasında qoruqda inşa edilmiş yeni tikilər istifadəyə veriləcək.
