Qətərdə keçiriləcək futbol üzrə dünya çempionatının (DÇ) püşkatma mərasimi aprelin 1-də keçiriləcək.
İndiyədək 27 ölkənin milli komandası 21 noyabr – 18 dekabr tarixlərində keçiriləcək mundiala vəsiqə qazanıb.
Son 5 vəsiqənin taleyinə pley-off qarşılaşmalarından, eləcə də Şimali, Mərkəzi Amerika və Karib hövzəsi zonasında son tur oyunlarından sonra aydınlıq gələcək.
Avropa
Vəsiqə qazananlar: Belçika, Xorvatiya, Danimarka, İngiltərə, Fransa, Almaniya, Niderland, Polşa, Portuqaliya, Serbiya, İspaniya, İsveçrə
Vəsiqə qazanmağa namizədlər: Uels, Şotlandiya və ya Ukraynadan biri
Afrika
Vəsiqə qazananlar: Kamerun, Qana, Mərakeş, Seneqal, Tunis
Asiya
Vəsiqə qazananlar: Qətər (meydan sahibi), İran, Yaponiya, Cənubi Koreya, Səudiyyə Ərəbistanı
Vəsiqə qazanmağa namizədlər: BƏƏ, Avstraliya
Cənubi Amerika
Vəsiqə qazananlar: Argentina, Braziliya, Ekvador, Uruqvay
Vəsiqə qazanmağa namizəd: Peru
Şimali, Mərkəzi Amerika və Karib hövzəsi (CONCACAF)
Vəsiqə qazanan: Kanada
Vəsiqə qazanmağa namizədlər: ABŞ, Meksika, Kosta-Rika
Okeaniya
Vəsiqə qazanmağa namizəd: Solomon adaları, Yeni Zelandiya
Püşkatma zamanı isə təxmini səbətlər belə ola bilər:
1-ci səbət
Qətər (A qrupu), Braziliya, Belçika, Fransa, Argentina, İngiltərə, İspaniya, Portuqaliya
2-ci səbət
Niderland, Danimarka, Meksika*, Almaniya, ABŞ*, İsveçrə, Uruqvay, Xorvatiya
3-cü səbət
Seneqal, İran, Yaponiya, Mərakeş, Serbiya, Polşa, Cənubi Koreya, Tunis
4-cü səbət
Kanada, Kamerun, Ekvador, Səudiyyə Ərəbistanı, Qana, Ukrayna/Şotlandiya/Uels, Avstraliya/BƏƏ/Peru, Solomon adaları/Yeni Zelandiya/Kosta-Rika*
Püşkatma zamanı konfederasiyalar nəzərə alınacaq. Avropa istisna olmaqla, heç bir qitə təmsilçiləri eyni qrupa daxil edilməyəcək. Hər qrupda ən azı bir, ən çoxu üç komanda UEFA üzvləri olacaq.
Qətər meydan sahibi kimi A qrupunda yer alacaq. 1-ci səbətdəki digər 7 komanda reytinqin ilk "7-liy”ində yer alan komandalardır.
///oxu.az
