Dünən Kürdəmirdə baş verən qəzada yaralanan şəxslərdən 2-si Bakıya gətirilib.
Bu barədə APA-ya Tibbi Ərazi Bölmələrini İdarəetmə Birliyindən (TƏBİB) məlumat verilib.
Onlardan biri Elmi-Tədqiqat Travmatologiya və Ortopediya İnstitutuna, digəri isə Kliniki Tibbi Mərkəzə yerləşdirilib. Hər iki şəxsin vəziyyəti ağır stabildir.
Qəzada yaralanan digər 3 nəfər isə evə yazılıb.
Qeyd edək ki, dünən Kürdəmirdə ölümlə nəticələnən ağır yol qəzası baş verib.
Hadisə Ağsu-Kürdəmir-İmişli avtomobil yolunun Kürdəmir rayonunu Sor-Sor kəndindən keçən hissəsində qeydə alınıb. Qəza nəticəsində 6 nəfər ölüb, 5 nəfər yaralanıb.
