Türkiyə Prezidenti Rəcəb Tayyib Ərdoğan imperialistlərin xain oyunlarını pozduqlarını bildirib.
Prezident bu barədə Şırnak şəhərindəki mitinqdə çıxışı zamanı danışıb.
O bildirib ki, separatçı terror təşkilatları Türkiyədə qeyri-sabit mühit üçün yaradılmış bir vasitədir.
"İmperialistlərin xain oyunlarını pozmuşuq. Son 21 ildə bu cəhdlərin qarşısını aldıq. İndi də cənub sərhədlərimiz boyunca yaratdığımız təhlükəsizlik dəhlizi ilə ölkəmizə sıçraya biləcək atəşə sədd çəkirik, imperialistlər və onların maşaları ilə aramıza məsafə qoyuruq”, - Ərdoğan vurğulayıb.
