Qıyma həsrətində batım-boğulum,
Salma Ayrılığın yadına məni !
Getmə, gözlərinin qurbanı olum,
Qoyma dərd əlində məni çarəsiz !
Güman yox, həyata bir də doğulum,
Mən xəstə, sabaha çıxmaram sənsiz...
Getmə, gözlərinin qurbanı olum,
Sənsiz nəfəs almaq belə çətindir.
Tükənər taqətim, bağlanar yolum—
Əlacım tək sənin məhəbbətindir.
Getmə, sən gedəntək ruhum uçacaq—
Çətin tab gətirə sənsiz bədəndə.
Sən getsən, ömrümün sonu çatacaq,
Öldür, get—
Can verim sənin əlində.
Sədaqət Əhmədova
