Dilçilik İntistutunun elmi işçilərinin televiziya kanallarında ədəbi normaların qorunması ilə bağlı keçirilən hesabatında dilində qusur olan teleaparıcıların siyahısı açıqlanıb. Siyahıda Space TV-nin “Plyus-minus” verilişinin aparıcısı Günel Hümbətovanın da adının olması teleaparıcının etirazına səbəb olub. Belə ki, aparıcının nitqində problem olduğunu, onun sözləri uzadaraq tələffüz etdiyini bidirən Dilçilik İntistutunun elmi işçilərinə tanınmış aparıcıdan cavab gəlib.

Günel Hümbətova AZXEBER.COM-a açıqlamasında həmin siyahını izləyənləri diqqətsizlikdə günahlandırıb: “Görünür bu siyahını hazırlayanlar yerli televiziya məkanını diqqətlə izləməyiblər, çünki kifayət qədər dilində problem olan aparıcılar var ki, onlar heç bu siyahıya əlavə olunmayıblar. O ki qaldı mənə, mənim nitqimdə heç bir qüsur yoxdur.Sözləri uzatmağıma gəlincə isə, ola bilər ki, bu mənim verlişimin formatı ilə əlaqədardır. Amma bu o demək deyil ki, mən daim sözləri uzadaraq tələffüz edirəm. Təbii ki, hər şey vəziyyətlə əlaqədardır. Mən hələ ki gəncəm. Hər hansı nöqsanım ola bilər. Amma bu nitqdə qüsur olmaq demək deyil. Nitqdə qüsur tam fərqli anlayışdır. Bizim kifayət qədər aparıcılarımız var ki, onlar heç sözləri tələffüz edə bilmirlər. Təəssüf ki, siyahı hazırlananda onların adı oraya əlavə olunmayıb.”

Aparıcı həmçinin ATV-nin xəbərlər proqramının aparıcısı Mətanət Əliverdiyevanın da bu siyahıda olmasına münasibət bildirib: “Mətanət xanım gözəl nitq qabilliyyətinə sahib aparıcıdır. Baxmayaraq ki, mənim onunla heç bir münasibətim yoxdur, lakin deyə bilərəm ki, mən onda heç bir qüsur ilə qarşılaşmamışam. Turan İbrahimova gəlincə isə mən onun verilişinə baxmamışam”.Fatimə İbrahimova