Afrika və Karib hövzəsi ölkələri Britaniyanın transatlantik köləlikdəki roluna görə təzminat tələb edərkən Kral Çarlz maraqlı açıqlama gəlib.
AZXEBER.COM xarici mediaya istinadən xəbər verir ki, 15-ci əsrdən 19-cu əsrə qədər 12,5 milyon afrikalı əsasən Avropa gəmiləri və tacirləri tərəfindən zorla qaçırılaraq kölə kimi satılıb.
Kökləri Britaniya imperiyasında olan 56 ölkənin nümayəndələri ötən həftə Samoada başlayan və əsas mövzular kimi ortaya çıxan quldarlıq və iqlim dəyişikliyi təhlükəsi ilə Birlik Hökumət Başçıları İclasında iştirak ediblər.
"Birlik ölkələrində insanları dinləyərkən keçmişimizin ən ağrılı tərəflərinin necə rezonans doğurduğunu anlayıram. Buna görə də tariximizi anlamaq gələcəkdə düzgün seçimlər etməyimizə kömək etmək üçün həyati əhəmiyyət kəsb edir” - deyə Çarlz sammitdəki çıxışında deyib.
Təzminatın əleyhdarları deyirlər ki, ölkələr tarixi səhvlərə görə məsuliyyət daşımamalıdırlar, təzminatın tərəfdarları isə köləlik irsinin kütləvi və davamlı irqi bərabərsizliyə səbəb olduğunu bildiriblər.
Britaniyanın baş naziri Keir Starmer ölkənin tarixi roluna görə təzminat və üzr istəmə çağırışlarını rədd edib, lakin məsələni müzakirə etmək istəyən liderlərlə görüşə açıq olduğunu söyləyib.
Baham adalarının xarici işlər naziri Frederik Mitçel "BBC"yə müsahibəsində qeyd edib ki, sabah keçirilməsi gözlənilən sammitin nəticələrinin layihəsində təzminatların müzakirəsini tələb edən bəndlər var.
Londondakı "Leigh Day" təşkilatının hüquqşünası Jacqueline McKenzie açıqlamasında bunları səsləndirib:
"Dünyada daha çox bərabərlik və ədalətli olmaq istədiyimizi deyiriksə, bunun yolu söhbəti bağlamaqdansa, nə və necə təzminatların yarana biləcəyini araşdırmaqdır".
Sammit zamanı üzv dövlətlərin, həmçinin, kiçik ada dövlətləri yaşayış üçün yararsız hala düşsə belə, sağlam okean üçün maliyyələşdirməni artırmaq və dəniz sərhədlərini düzəltmək məqsədi daşıyan Birlik Okean Bəyannaməsini də imzalaması gözlənilir.
Okean Bəyannaməsinin məqsədi odur ki, dəniz sərhədləri müəyyən edildikdən sonra məsələlər əbədi olaraq sabitləşir.
Mikayıl
