Serialının ssenari müəllifləri Bahadır Özdener və Cüneyt Aysan ayrılıb
Reytinq rekordları qıran “Kurtlar Vadisi Pusu” serialının ssenari müəllifləri Bahadır Özdener və Cüneyt Aysan ayrılıb. Ötən həftə 205-ci seriyası efirə gedən serialın bu həftə köhnə seriyalardan ibarət icmalı nümayiş olunub. Məlumata görə, serialın son iki seriyası başlayarkən ssenari müəlliflərinin adları yazılmayıb, bunun yerinə “Pana ssenari heyəti” yazılıbmış. Bundan əvvəl isə serial başlayarkən müvafiq hissədə ssenari müəllifi kimi Bahadır Özdener, Cüneyt Aysan və Raci Şaşmaz yazılırdı. Türkiyənin ən uzun və ən keyfiyyətli seriallarından biri olan “Kurtlar Vadisi Pusu” barədə gələcək həftələrdə yeni xəbərlərin yayılması qaçılmazdır.
