Bu gün Xalq artisti Məleykə Əsədovanın doğum günüdür.
AZXEBER.COM xəbər verir ki, aktrisa 59 yaşına qədəm qoyur.
Məleykə Əlifağa qızı Əsədova 1967-ci il aprel ayının 23-də Neftçala rayonunda anadan olub.
1983-cü ildə Azərbaycan Dövlət və Mədəniyyət Universitetinə daxil olan aktrisa, 1989-cu ildə Dövlət Gənclər Teatrının truppasına daxil olub.
Aktrisa həmin teatrın səhnəsində müxtəlif illərdə Gültəkin ("Aydın”, Cəfər Cabbarlı), Nəzifə ("Dağ tikirik”, Vaqif Səmədoğlu), Tamara ("Dadaşbala əməliyyatı”, Rəhman Əlizadə), Sədəf ("Sultanqulu körpüsü”, İsi Məlikzadə), Leyli ("Leyli və Məcnun”, Məhəmməd Füzulinin eyniadlı poeması əsasında dramatik kompozisiya) obrazlarını canlandırıb.
1994-cü ildə 27 yaşlı aktrisanın "İtkin gəlin” adlı 12 seriyalı bədii televiziya filmindəki həyat verdiyi Əfsanə obrazı onu daha da məşhurlaşdırdı.
Məleykə Əsədova 2000-ci ildə Azərbaycan Respublikasının Xalq artisti adına layiq görülüb.
Aysel
