"Bölgədə müharibə və ya gərginlik istəmirik, lakin bütün ssenarilərə hazırıq. İsrailin hücumunun necə olacağını görəcəyik".
AZXEBER.COM Qərb mediasına istinadən xəbər verir ki, bu sözləri İranın xarici işlər naziri Abbas Ərakçi Əl-Cəzirə telekanalına bölgədəki son durumla bağlı sualları cavablayarkən deyib.
İsrailin müharibəni bölgəyə yaymağa çalışdığına diqqət çəkən Ərakçi, "Bölgədəki müqavimət qüvvələri İsrailə cavab verə bilər. Müqavimət qüvvələrinə dəstəyimiz təkcə siyasət və diplomatiya ilə məhdudlaşmayacaq. Nə lazımdırsa, onu edəcəyik".
Səudiyyə Ərəbistanı və Qətərə son səfərləri zamanı Qəzza və Livanda sülhün təmin olunması məsələlərini müzakirə etdiklərini bildirən iranlı nazir, "ABŞ ilə diplomatik kanallar açıqdır. Digər ölkələr vasitəsilə dolayı yolla fikir mübadiləsi aparırıq" deyib.
Cəmalə
