Naftalanda AHİK tərəfindən xüsusi karantin rejimi dövründə xüsusi yardıma və qayğıya ehtiyacı olan aztəminatlı ailələrə və təqaüdçülərə ərzaq sovqatları paylanılıb.
AZXEBER.COM xəbər verir ki, Naftalan Şəhər İcra Hakimiyyətinin qaynar xətt xidmətinə və elektron poçt ünvanına daxil olmuş müraciətlər əsasında tərtib edilmiş siyahıya uyğun olaraq ərzaq məhsullarından ibarət sovqatlar Şəhər İcra Hakimiyyətinin və DİİXİHİ-nin şəhər komitəsinin əməkdaşları tərəfindən qeyd olunan kateqoriyadan olan 50 ailənin ünvanına çatdırılıb.
Vətəndaşlar göstərilən diqqətə və qayğıya görə möhtərəm cənab Prezident İlham Əliyevə və Birinci Vitse-Prezident hörmətli Mehriban xanım Əliyevaya dərin minnətdarlıqlarını bildiriblər.
