Bu gün saat 12:30 radələrində Bakı Şəhər Dövlət Yol Polis İdarəsinin əməkdaşları Neftçilər prospektində reyd keçiriblər.
Reyd zamanı tanınmış meyxanaçı Namiq Qaraçuxurlu polisin “saxla” əmrinə tabe olmayaraq ağ rəngli “Cip”lə oradan uzaqlaşıb.
Əldə etdiyimiz məlumata görə, N. Qaraçuxurlu avtomaşının yan şüşələrini “plonka” ilə bağladığı üçün polis onu saxlamaq istəyib. Lakin, o polisin qanuni tələbinə məhəl qoymayaraq avtomaşını saxlamayıb.
Qeyd edək ki, bu hadisə Müzey Mərkəzinin yaxınlığında qeydə alınıb. //qafqazinfo.az
