Nazir Əbülfəs Qarayevin sənətşünas qızı – FOTOLAR

Rusiya, Qafqaz və Mərkəzi Asiya ölkələrinin incəsənəti üzrə ixtisaslaşan yazıçı və kurator Suad Qarayeva Mədəniyyət və turizm naziri Əbülfəs Qarayevin yeganə qızı imiş.  “Qafqazinfo” xəbər verir ki, Londonda və Bakıda yaşayan Suad nüfuzlu Azərbaycan rəssamlarının beynəlxalq sərgilərinə kuratorluq edib, ölkəmizi xarici festivallarda uğurla təmsil edib. Böyük Britaniyanın Sotheby’s hərrac evində MDB ölkələrinin müasir incəsənətini incələyən Qarayeva həm də kolleksionerdir. Onun təşəbbüsü ilə Sotheby’s hərracında keçirilən sərgilərdən birində incəsənətin video-art bölməsinə aid xüsusi bölmə yaradılıb.  Suad Londonda iqtisadiyyat üzrə bakalavr, fəlsəfə və dövlət siyasəti üzrə magist təhsili alıb. Bir müddət bank sahəsində çalışmasına baxmayaraq, incəsənətə olan sevgisi daha güclü olub. Venesiyada keçirilən incəsənət biennalesinin daimi iştirakçılarından olan Suad Qarayeva 2014-cü ildə “Generation Baku: New Art from Azerbaijan”yarmarkasında rəssamlarımıza dəstək olub. Hazırda o, həm də YARAT müasir incəsənət təşkilatının sərgilər və daimi kolleksiyalar üzrə kurator direktorudur.