AFFA İntizam Komitəsinin növbəti toplantısı keçirilib.

AZXEBER.COM-un AFFA-ya istinadən verdiyi məlumata görə, toplantıda 2011/2012 mövsümündə, XX Unibank Premyer Liqasının XXV turu çərçivəsində oynanan qarşılaşmalar da müzakirə obyekti olub. XXV tur çərçivəsində oynanan “Qəbələ” – “İnter” matçının 88-ci dəqiqəsində “İnter” klubunun 2 nömrəli futbolçusu Xəyal Mustafayev kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub. 24 mart 2012-ci il, 2011/2012 mövsümündə, XX Unibank Premyer Liqasının XXV turunun “Neftçi” – “Xəzər Lənkəran” matçının 85-ci dəqiqəsində “Neftçi” klubunun azarkeşləri tərəfindən pirotexniki vasitələrin istifadə edildiyi üçün klub 1000 manat cərimə olunub. 25 mart 2012-ci il, 2011/2012 mövsümündə, XX Unibank Premyer Liqasının XXV turunun “Turan” – “Rəvan” matçının 73-cü dəqiqəsində “Rəvan” klubunun 6 №-li futbolçusu Taqim Novruzov kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunub