Bakı Apelyasiya Məhkəməsində Bərdə rayon sakini Adil Cəmilovun məhkəməsi başlayıb.

AZXEBER.COM-un məlumatına görə, oğlunun sevgilisini balta ilə öldürməkdə təqsirləndirilən atanın məhkəməsi hakim Əmir Bayramovun sədrliyi ilə keçirilir.Bakı Ağır Cinayətlər Məhkəməsində hakim Eynulla Vəliyevin sədrliyi ilə keçirilən prosesdə A.Cəmilov 10 il müddətinə azadlıqdan məhrum edilib.İttihama görə, bu ilin mayın 15-də saat 12:00 radələrində paytaxtın Nəsimi rayonu ərazisində yerləşən “Ağdam” kafesində orada xadimə işləyən Könül Məmmədova qətlə yetirilib.Prokurorluq və polis əməkdaşları tərəfindən kriminalist və məhkəmə-tibb ekspertlərin iştirakı ilə hadisə yerinə, meyitə baxış keçirilib, cinayətin aləti olan balta maddi sübut kimi götürülüb.Müəyyən edilib ki, cinayəti Adil Cəmilov törədib.Məhkəmədə ifadə verən Adil deyib ki, oğlu Əlinin özündən yaşca böyük olan Könül Məmmədova ilə qeyri-rəsmi ər-arvad kimi yaşamasından narazı olub.Sonuncuya oğlu ilə münasibətlərinə son qoyması barədə dəfələrlə xəbərdarlıq etməsinə baxmayaraq, qadın bu münasibəti davam etdirib və onun mobil telefonuna nalayiq sözlərdən ibarət ismarışlar göndərib.Bundan sonra Könül Məmmədovanın işlədiyi kafeyə gələn A.Cəmilov özü ilə gətirdiyi balta ilə onu qətlə yetirib.