Rusiyada seçkilərdə qələbə qazandığını elan edən prezident Vladimir Putin ən böyük rəqiblərindən biri olan Aleksey Navalninin həbsxanada müəmmalı şəkildə ölümündən ilk dəfə danışıb.
AZXEBER.COM Rusiya mediasına istinadən xəbər verir ki, 2021-ci ildən həbsxanada saxlanılan Navalninin məhbus mübadiləsi çərçivəsində azadlığa buraxılmasını bəyəndiyini deyən Putin "Yalnız bir şərtim var idi, o da bir daha geri qayıtmaması idi. Amma nə edə bilərik, həyatdır, olan olur", - deyə bildirib.
Putinin sözləri opponentlər tərəfindən "qətl etirafı” kimi şərh edilib.
Navalniyə yaxın adlardan biri olan Leonid Volkov deyib ki, Putinin sözləri Navalninin qətlin qurbanı olmasına sübutdur.
Qeyd edək ki, Rusiya müxalifətinin ən önəmli şəxslərindən olan Aleksey Navalni ötən ay həbsxanada dünyasını dəyişib və onun tərəfdarları ölümdə Putini günahlandırıb. Kreml isə müxalifətçinin təbii səbəblərdən öldüyünü iddia edib. Müxalifət liderinin həbsxanada işgəncələrə məruz qalması və zəhərlənməsi ilə bağlı iddialar da gündəm olub.
Mikayıl
