Millət vəkili Qənirə Paşayeva parlamentin bugünkü iclasında bələdiyyələri tənqid edib.
Xanım deputat bəzi bələdiyyə sədrlərinin özlərini idarə rəisi kimi aparmasından şikayətlənib:
"Bələdiyyə sədrləri özlərinin vəzifələrini bilmirlər. İllər keçməsinə baxmayaraq Azərbaycanda hələ də bələdiyyə institutunun nə olduğu bilmirlər. Məsələn, hesabatda Qobu bələdiyyəsi ilə bağlı faktlar qeydə alınıb. Orada yaşayan jurnalist dostlarımız var və bu barədə yazırlar. Orada elə məsələ yoxdur ki, problem olmasın. Sözügedən bələdiyyədə 900 min vəsait "silinib”.
Bəs maraqlıdır ki, həmin vəsait geri qaytarılıbmı? Düzdür, bələdiyyə sədri işdən çıxarılıb. Amma bu böyük vəsaitdir, onun taleyi nə yerdə qalıb? Bir də ki mən Vilayət müəllimdən soruşmaq istəyirəm ki, 70 layihənin dəyərləndirilməsi məsələsi nə yerdə qalıb? Həmin şəxslər layihələrinin qəbul edilməsinə ümid etsinlərmi, yoxsa, bundan əllərini üzsünlər? Bu məsələyə də aydınlıq gətirmək lazımdır. Hesab edirəm ki, bələdiyyə sədrləri də, vətəndaşlar da bu institutun vəzifəsini bilməlidrlər”.
