Qəzzada atəşkəsin müzakirə edildiyi Qahirədə aparılan danışıqlar 3 gün uzadılıb.
AZXEBER.COM xarici mediaya istinadən xəbər verir ki, Misirin paytaxtı Qahirədə İsrail və HƏMAS arasında dünən keçirilən, lakin nəticəsiz qalan dolayı danışıqların aşağı səviyyəli rəsmilər tərəfindən daha 3 gün davam etdiriləcəyi bildirilib.
"New York Times” qəzetinin danışıqlardan birbaşa xəbəri olan Misir və ABŞ rəsmilərinə əsaslanaraq verdiyi məlumata görə, birinci gündə razılıq əldə olunmadıqdan sonra Qahirədə yüksək səviyyəli danışıqlar daha 3 gün uzadılıb.
Adının açıqlanmasını istəməyən Misir rəsmisi danışıqların gedişatının "müsbət" olduğunu bildirib. ABŞ rəsmisi daha 3 gün uzadılan danışıqların aşağı səviyyəli səlahiyyətlilər arasında davam edəcəyini və İsrail ilə Həmas arasında atəşkəs və əsirlərin azad edilməsini hədəfləyən mümkün razılaşmanın mümkün olduğunu açıqlayıb.
Gülay
