Qazax rayonunda qətl hadisəsi baş verib.
77 yaşlı kişi və 75 yaşlı qadın öldürülüb. 1939-cu il təvəllüdlü Nəriman Bayraməli oğlu Osmanov və onun qeyri-rəsmi nigahda yaşadığı 1941-ci il təvəllüdlü Dünya Bakıxanovanın rayonun Cəfərli kəndində birgə yaşadıqları mənzildə üzərlərində çoxsaylı xəsarətləri olan meyitləri aşkarlanıb.
Faktla bağlı Qazax rayon Prokurorluğunda Cinayət Məcəlləsinin 120.2.7-ci (iki və ya daha çox şəxsi öldürmə) maddəsilə cinayət işi başlanıb.
Cinayəti törədən şəxs və ya şəxslərin müəyyən edilməsi istiqamətində istintaq tədbirləri həyata keçirilir.
Öldürülən Nəriman Osmanovun həyat yoldaşı 6 il əvvəl dünyasını dəyişib. Bundan sonra isə Dünya Bakıxanova ilə birgə yaşamağa başlayıblar. Onlar qətlə yetirildikləri evdə ikisi yaşayırmış və məlumata görə, bıçaqlanaraq öldürülüblər.
APA isə cütlüyün baltalanaraq öldürüldüyünü yazıb.
///anspress
