İspaniyanın La Liqa komandası "Real Madrid" keçmiş ulduzlar olan Cristiano Ronaldo, Zidane və David Beckhamın soyunma otaqlarını əşyaları ilə birgə hərraca çıxarmaqla bağlı Britaniyanın "Sotheby' s" hərrac evi ilə razılığa gəlib.
AZXEBER.COM xarici KİV-ə istinadən xəbər verir ki, adları çəkilən oyunçuların soyunma otağındakı adı və fotoşəkilləri olan köynək, şort kimi geyimləri 13 min avrodan (təx. 24 min AZN) başlayaraq hərraca çıxarılacaq.
Hərraca çıxarılan obyektlər orijinallıq sertifikatına sahib olacaq.
Bundan əlavə, 3 metr enində Santiago Bernabeu mozaikası və stadionun metal qapıları da 12 min ( təx. 22300 AZN) avro və 8 min ( təx. 15 min) avroya hərraca çıxarılacaq.
Bu satışlardan əldə edilən gəlirin bir hissəsi təhsilə və qayğıya ehtiyacı olan uşaqlara verilsin deyə "Real Madrid" Fonduna köçürüləcəkdir.
Qeyd edək ki, hərrac noyabrın 12-də başlayacaq və 2 həftə davam edəcək.
Oksana
