Rəqsanənin qızının atası hansı deputatdır? - ŞOK İDDİA
MAQAZİN
15:32 04.12.2012
23709
Deputatlar haqqında son günlər şok effekti yaradan xəbərlər yayılır. Yaxın günlərdə fəaliyyətinə son qoyulmuş Beynəlxalq Universitetinin hazırda Fransada yaşayan rektoru Elşad Abdullayev keçmiş deputat Gülər Əhmədova haqqında gizli video yayımladı. Həmin video ölkə gündəmini dəyişdi və demək olar ki, hər kəsin diqqətini çəkdi. Ardınca bir neçə deputatın malikanələri və gizli əməlləri haqqında mətbuatda dəhşətli faktlar yayıldı. İnsanlar isə deputatların saxta yolla seçildiyini və buna görə də mandatından istifadə edərək müxtəlif çirkin yollara əl atdıqlarını əsas gətirərək Parlamentin buraxılmasını tələb etdilər.Olanlar bununla yekunlaşmadı. Deputatlar haqqında yayılan ilginc məlumatlar isə davam etməkdədir. Ötən gün daha bir deputat haqqında şok faktlar üzə çıxıb. Daxil olan məlumatda deyilir ki, tanınmış müğənni Rəqsanə İsmayılovanın balaca qızı Yağmur İsmayılovanın atası hazırda deputat kürsüsündə əyləşib. Lakin xanım müğənni hələ də balaca qızının atası barədə heç bir mətbu orqanına məlumat verməyib. Belə desək hər kəs atanın kimliyindən xəbərsizdir.Saytımıza verilən məlumatda o da bildirilir ki, xanım müğənni Rəqsanə məclislərin birində balaca qızının atasının kim olduğunu da etiraf edib: “Məclislərin birində Yağmurun atası olan həmin deputatla Rəqsanə xanım da olub. Rəqsanə xanım etiraf edəcəyini bildirib və orda deputatı göstərərək balaca qızı Yağmurun atası olduğunu deyib. Deputat isə müğənniyə şillə vuraraq onu məclisdən bayıra çıxarıb. Lakin onlar arasında hansı söhbətlərin olduğu məlum deyil”.Artıq həmin deputatın kimliyi də bizə məlumdur. Lakin mənbə ilə aparılan araşdırmaların yekunlaşmadığını nəzərə alaraq həmin deputatın adını açıqlamırıq. Həmin hörmətli deputat musiqiyə daxilən maraq göstərən şəxsdir.Xatırladaq ki, hörmətli xanım müğənninin ikinci qızı olanda bunu hər kəsdən gizlətmişdi. Daha sonra onun Əzizbəyov adına xəstəxanada dünyaya uşaq gətirdiyi haqqında məlumat yayılmışdı və müğənni sonradan məlumatı təsdiqləmişdi. /// elitar.info
