Bakı şəhərinin Rəşid Behbudov küçəsində Rəşid Behbudov adına Dövlət Mahnı Teatrının qarşısında Azərbaycanın görkəmli müğənnisi Rəşid Behbudovun şərəfinə ucaldılmış heykəlin üzəri çirkab içindədir. Heykəlin baş hissəsinə quş zili bulaşıb.

Vatandaşların bildirdiyinə görə, abidə bir neçə gündür bu vəziyyətdədir.

Heykəlinin təmizlənməsi məsələsinə gəlincə, bu məsələ Bakı Şəhəri İcra Hakimiyyətinin nəzarətindədir.

Bu haqda 32gun.az saytı məlumat yayıb. 

Mövzu ilə bağlı AZXEBER.COM-a Baki şəhər mənzil kommunal təsərrüfat departamentindən bildirilib ki, heykəllərə nəzarət BŞİH-də yox, Mədəniyyət Nazirliyinin səlahiyyəti daxilindədir: 

"Heykəllərə xidmət göstərilməsi ilə bağlı bildirmək istərdik ki, hələ sovetlər dönəmindən bəri, uzun illərdir ki, paytaxtdakı heykəllərə onların balans daşıyıcısı olan Mədəniyyət Nazirliyinə aid qurumlar xidmət göstərir. Heykəllər incəsənət əsərləri olduğundan onlara xidmət bu sahədə xüsusi bacarığı olan peşəkarlar tərəfindən həyata keçirilməlidir".

Günel Hüseynli