Rusiya Daxili İşlər Nazirliyinin Yol Hərəkəti Təhlükəsizliyi Dövlət Müfəttişliyinin (DİN YHTDM) Yevrey muxtar vilayəti üzrə İdarəsinin əməkdaşları yaşlı qadını qarət etməkdə şübhəli bilinən şəxsi yaxalayıblar. Bu, 1977-ci il təvəllüdlü azərbaycanlı olub.
AZXEBER.COM “Komsomolskaya Pravda”ya istinadən xəbər verir ki, DİN-in region üzrə növbətçi hissəsinə 72 yaşlı qadına hücum və qarət edilməsi barədə məlumat daxil olub.Məlumata görə, polisə zərərçəkənin bacısı xəbər verib. O bildirib ki, cani bacısına hücum edərək onu vurub və qarət edib. Hadisə yerinə istintaq-əməliyyat qrupu göndərilib. Zərərçəkən şok vəziyyətində xəstəxanaya yerləşdirilib.O, polisə bildirib ki, bu gün səhər saatlarında evin qapısı döyülüb. Qadın qapını açan kimi naməlum şəxs tərəfindən üz nahiyəsindən zərbə alıb. Cani yerə yıxılan qadını təpikləyib və qiymətli əşyalar axtarmağa başlayıb. Həmyerlimiz mobil telefon və 2 min rubl məbləğində pul götürərək hadisə yerindən qaçıb və qadını polisə xəbər verməməsi üçün hədələyib.Lakin o çox uzağa qaça bilməyib, qonşu mikrorayonda yaxalanıb. Hazırda faktla bağlı əməliyyat-istintaq tədbirləri görülür.
