"Moskva vilayətindəki Azərbaycan diasporu çox güman ki, dağılacaq, çünki indiki şəraitdə heç kim orada işləmək istəmir".
AZXEBER.COM "Unikal"a istinadən xəbər verir ki, bunu Rusiya KİV-ə açıqlamasında Rusiya Federasiyasından deportasiya edilən təşkilatın rəhbəri Elşən İbrahimov deyib.
"Bu, milli təhlükəsizliyə təhdiddir. Diaspora çox güman ki, dağılacaq, çünki indiki vəziyyətdə heç kim işləmək istəmir", - deyə o qeyd edib.
Qeyd edək ki, Elşən İbrahimov Rusiya ilə münasibətlərin pisləşməsi fonunda iyulun 4-də guya ölkədə olma qaydalarını pozduğuna görə saxlanılaraq vətəndaşlıqdan məhrum edilib. Daha sonra Rusiyadan deportasiya edilib.
