Səbinə Babayeva “Eurovision-2012” müsabiqəsində Alim Qasımovla birgə çıxış edəcək
MƏDƏNİYYƏT
01:43 16.05.2012
2512
Azərbaycanın xalq artisti, muğam ifaçısı Alim Qasımov “Eurovision-2012” təmsilçisi Səbinə Babayeva ilə birgə çıxış edəcək. Təmsilçimizin “piar”ı ilə məşğul olan “EuroGroup”dan AZXEBER.COM-a verilən məlumata görə, “Eurovision” mahnı müsabiqəsindəki təmsilçimiz Səbinə Babayevanın çıxışında yenilik var. Yeniliyə əsasən, muğam ustadı Alim Qasımov Səbinə ilə birlikdə “Eurovision-2012”nin finalında çıxış edəcək. Alim Qasımovun unikal səsi ona dünyanın hər bir tərəfindən fanatlar qazandırıb. Bunların arasında İslandiya müğənnisi Byork da var. O, Alim Qasımovun onun “ən sevimli ifaçısı” olduğunu deyir. Alim Qasımovun ifası Səbinəyə Azərbaycan musiqisinin maraqlı elementlərini təqdim etməyə kömək edəcək. Alim Qasımov Səbinənin çıxışında xüsusi parça ifa edəcək və tamaşaçılara ənənəvi Azərbaycan musiqisinin elementlərini təqdim edəcək. “Bizim fikrimiz “Eurovision” tamaşaçılarına, xüsusi ilə də gənclərə Azərbaycanın əfsanəvi muğamını təqdim etməkdir. Ümidvarıq ki bu, bizə yaxın zamanda böyük şöhrət gətirəcək”, - deyə Alim Qasımov bildirib.
