Buna qədər ki seçkilərdə 10 faiz seçki məntəqələrində veb-kameralar quraşdırılmışdısa, indi ölkə rəhbərliyinin şəxsi tapşırığı ilə artıq 20 faiz məntəqələrdə veb-kameralar quraşdırılacaq.
AZXEBER.COM xəbər verir ki, bunu Mərkəzi Seçki Komissiyasının (MSK) sədri Məzahir Pənahov deyib.O qeyd edib ki, Azərbaycanda keçirilən seçkilər ilk növbədə Azərbaycan xalqını razı salmaq üçün keçirilən mühüm kampaniyadır.“Bu dünyanın hər yerində belədir. Dünyanın heç bir yerində ideal seçkilər keçirilmir, əgər kimsə bunu iddia edirsə, düşünürəm ki, düzgün demir. Çünki seçkilər milyonların iştirak etdiyi prosesdir.Lakin biz çalışırıq ki istənilən müraciəti adekvat araşdıraq. Təəssüflər olsun ki, seçkilərin keçirilməsi və onların nəticələrinin dəyərləndirilməsi ilə bağlı qərəzli tendensiyalar da müşahidə olunur.Bəzi xırda nöqsanları şişirdib elə təqdim edirlər ki, guya seçkilər antidemokratik yöndə aparılır, bir-iki fakta görə bütün seçkiləri şübhə altına almaq cəhdi olur”.M.Pənahov qeyd edib ki, bu məsələlərdə müşahidəçilərin də üzərinə böyük məsuliyyət düşür. Biz maksimum səviyyədə birlikdə çalışmalıyıq ki, hər hansı nöqsanlar baş verməsin.“MSK beynəlxalq qurumlarla əməkdaşlıq etmək üçün daim hazırdır, heç bir əməkdaşlıqdan imtina etmirik. Hələ elə bir fakt olmayıb ki, bizə olunan təklifə obyektiv və ya subyektiv səbəbdən imtina edək. Hətta bizə qarşı açıq şəkildə qərəzli olan tərəflərlə də əməkdaşlığa hazırıq”.MSK sədri rayon icra hakimiyyəti rəhbərlərinin seçki ilə bağlı beynəlxalq qurumlarla əməkdaşlığını alqışladığını qeyd edib:“Kimsə fikirləşir ki, bu seçkilərə müdaxilədir, bu tamamilə yanlış fikirdir. Seçkilərə müdaxilə başqa formada, əməkdaşlıq isə hər bir halda lazımdır”.
