AZXEBER.COM portalının “Amerikanın Səs” televiziyasına istinadən verdiyi xəbərə görə, Obama bu gün keçirdiyi mətbuat konfransında ölkənin qərb ştatlarının sakinlərinə sayıq olmaq və yaşayış yerlərini boşaltmaq barədə yerli orqanların edə biləcəkləri çağırışlara diqqət yetirmələri barədə xəbərdarlıq edib. Kaliforniya və Oregon ştatlarında minlərlə insan Sunami təhlükəsinə görə yüksək ərazilərə yerləşib.
Havayın yerli idarələri Yaponiyadakı zəlzələ və sunami barədə, son illərdə yaradılmış xəbərdarlıq və əməkdaşlıq, rabitə sistemi vasitəsi ilə xəbər alan kimi ştat sakinlərinə həyəcan siqnalları ilə xəbərdarlıq edərək onların şatın başlıca adalarının hündür hissələrinə köçürülməsi əməliyyatlarına başlayıb. Beynəlxalq xəbərdarlıq sistemi Havayın aidiyyatı olan idarələrininin sunaminin adalara çatmasından bir neçə saat əvvəl tədbirlər görməsinə imkan verib. Beləki səhər tezdən sunami Havay adalarının sahillərinə yetişən vaxt köçürmə əməliyyatları demək olar başa çatıb.
Rəsmi məlumatlara görə reaktiv sərnişin təyyarəsi yəni saatda 400-500 kilometr sürətlə hərəkət edən sunami Havayın Oahu adasındakı Vaikikinin plajlarını iki metr hündürlüyündə dalğalarla vurub. Birləşmiş Ştatların qitə adlanan hissəsinin qərb sahillərinə çatana qədər isə sunaminin şiddəti azalıb və dəniz qabarsa da sahillərə vuran dalğaların hündürlüyü daha az olub.
