Qalmaqallı prodüser Tolik (Tarix Əliyev) Aygün Kazımovaya məsləhət verib.
AZXEBER.COM-un məlumatına görə, Tolik “Şoubiz” verilişinə açıqlamasında xalq artistinin ölkədən getməsi məsələsinə münasibətini bildirib:“Aygün heç yerə getməyəcək axı, dostumuzdu. Mən ona məsləhət görürəm ki, özünə prodüser seçərkən ehtiyatlı olsun. Aygün xanım, çünki siz doğrudan çox ürəyi açıqsınız. Elə prodüserlər var ki, onların yanında heç nə danışmaq olmaz. Amma mənim yanımda olar. Çünki mənim yanımda olan söhbətlərin 30 faizini deyirəm, 70-ni isə özümdə saxlayıram. Onlar isə hamısını danışırlar, diqqətli olun”.Xatırladaq ki, Aygün Kazımova bir müddət əvvəl İnstagram-da Azərbaycandan gedəcəyi barədə yazmışdı:“Sevənlərimə bəd xəbər... Qəlbimdə ağrı-acılarla, dərd və qəmlə... Böyük bir həsrətlə, ana yurdumu, doğma məmləkətimi... Vətənimi tərk edirəm... Bu haqsızlıqlara, təhqirlərə, şər və böhtanlara dözməyə taqətim, gücüm qalmadı. Dostlar qalmadı... Övladım olmasaydı, intihar belə edərdim... İnanın”.
