Alman futbolçu Tomas Müller Amerika Futbol Liqasının (MLS) "Vankuver" klubuna keçib.
AZXEBER.COM Oxu.Az-a istinadən xəbər verir ki, bu barədə komandanın Mətbuat Xidməti məlumat yayıb.
Yarımmüdafiəçi ilə müqavilə cari mövsümün sonuna kimi hesablanıb.
Qeyd edək ki, Müllerin 35 yaşı var. O, 2008-2025-ci illərdə çıxış etdiyi "Bavariya"nın yetirməsidir.
Münhen komandası ilə birlikdə yarımmüdafiəçi 12 dəfə Almaniya çempionu olub ki, bu da turnirin rekordudur. O həmçinin kubokda altı, ölkə Superkubokunda səkkiz qələbə qazanıb, iki dəfə Çempionlar Liqası, Klublararası Dünya Çempionatı və UEFA Super Kubokunun qalibi olub.
