Brilliant Dadaşovanın Türkiyənin TMB telekanalında yayımlanan “Pırlantalı gecələr” verilişinin bu həftəki qonağı qardaş ölkənin sevilən müğənnisi Celik idi. Veriliş çox maraqlı, tamaşaçıları ekrana bağlayacaq söhbətlə başladı.AZXEBER.COM-un məlumatına görə, Celiyin “yazib, yaratmaq ücün eşqə düşmək lazımdır” fikrini peşəkar aparıcı tez tutdu. Və “Necə dəfə eşq yanğınız musiqiyə dönüb?” sualını qonağına ünvanladı. Çelik gülərək vəziyyətdən cıxmağa çalışdı və indiyədək 300-ə yaxın mahnı yazdığını dilə gətirdi.
Evlilik həyatından danışan Celik bundan sonra evlənməsi üçün yenidən sevməsi gərək olduğunu bildirdi və artıq siması gözəl olana deyil, ağlı gözəl olanla həyat qura biləcəyini bildirdi...
Əksər müğənnilərimiz Türkiyəyə gedəndən sonra osmanlı türkcəsindən çox istifadə etməsinin ölkəmizdə narahatlıq yaratdığı sirr deyil. Hamının bu məsələdən gileyləndiyi halda Brilliant xanımın nitqində bizim sözlərdən istifadə etməsi və qonaqlarına da bunu təlqin etməsi də təqdirəlayiqdir.
Onun Türkiyədə anonim oxunan Azərbaycan mahnılarının müəllifləri, ilk ifaçıları haqqında geniş məlumat verməsi isə musiqi mədəniyyətimizin tanınmasında xüsusi rola malikdir.
Bu verilişin bir özəlliyi ondadır ki, qonaq müğənnilər mahnılarını canlı ifa edirlər. Baxmayaraq ki, Türkiyə televiziyalarında bu, geniş yayılmayıb. Belə ki,müğənnilər fonoqramdan geniş istifadə edirlər. “Pırlantalı gecələr”in musiqili qonaqları isə musiqicilərin müşayəti mahnılarını ifa edirlər ki, bu da ekran qarşısındakı tamaşaçını çoşdurur.
“Pırlantalı gecələr” verilişi çox axıçı idi. Brilliant xanım qonağının yaradıcılıgını yaxşı bildiyindən, həm musiqinin incəliklərinə bələd olduğundan 2 saat su kimi axıb getdi. Bakıdan 2 musiqiçisini də verilişinə dəvət edən müğənni bəstəkarlarımızın da mahnılarını ifa etdi.
Əlbəttə ki, veriliş boyunca Brilliant xanım qonağının repertuarından duet mahnılar ifa etdi. Bu arada Brilliant xanımın verilişinə dəvət etdiyi və diqər türkiyəli müğənnilərin repertuarındakı mahnıları bu qədər mahir ifa etmək qabiliyyətinin olduğunu da xüsusi vurğulamağa dəyər.
Azərbaycanlı tamaşacılar Brilliant xanımın aparıcılıq qabiliyyətinə yaxşı bələddirlər. O 5 il “Gözəllik dünyanı xilas edəcək” verilişində canlı olaraq aparıcılıq edib. Sözsüz ki, beynəlxalq bir kanalda Brillant xanımın bu qədər sərbəst, səmimi, pozitiv görünməsi azərbaycanlı tamaşaçılara xüsusilə qürurveriçidir. Brilliant xanım türk müsiqi mədəniyyətini təbliği edən . TMB kanalında Azərbaycan musiqisini, dilini, tarixini, adət-ənənələrini, xüsusi inçəliklə təbliğ edir. Brilliant xanımın Azərbaycanın musiqi səfiri missiyasını belə uğurla davam etdirməsi sevindiriçidir.
Onu da vurğulamaq yerinə düşər ki, türkdilli ölkələrdə yayımlanan veriliş bir necə buraxılışdan sonra kifayət qədər böyük tamaşaçı auditoriyası toplayıb. Çünki Brilliant xanım türk musiqi sevərlərin nəbzinu tuta bilib. O verilişinə türk dünyasında çox sevilən sənətçiləri dəvət edir.Ozal İbrahimli
