AZXEBER.COM NHK agentliyinə istinadən xəbər verir ki, hadisədən bir gün sonra dağıntılar altından qadının cəsədi çıxarılıb, iyulun 19-da isə xilasedicilər kişinin nəşini aşkarlayıblar.
Həlak olanların 30 ildən çoxdur ki, həmin ərazidə yaşayan yaşlı ər-arvad olduğu rəsmən təsdiqlənib.
Faciə bölgəyə yağan rekord miqdarda leysan yağışları fonunda baş verib.
Hadisə yerində xilasetmə işləri bir neçə gün davam edib. Torpağın yenidən sürüşmə təhlükəsi və yamacın qeyri-sabitliyi səbəbindən fövqəladə hallar əməkdaşları təhlükəsizlik tədbirlərinə ciddi riayət edərək fəaliyyət göstəriblər.
Toçigi prefekturasının hakimiyyət orqanları dağlıq və dağətəyi ərazilərdə yaşayan sakinləri yeni torpaq sürüşmələri ilə bağlı ehtiyatlı olmağa çağırıb. Meteoroloqlar yaxın günlərdə vəziyyəti daha da ağırlaşdıra biləcək yeni leysan yağışların yağacağını istisna etmirlər. Hazırda mütəxəssislər dəymiş ziyanın miqyasını qiymətləndirir və digər potensial təhlükəli ərazilərdə yamacların dayanıqlığını yoxlayırlar.
