Nəsimi Bələdiyyəsi üzvlüyünə gənc namizəd Fərid Şahbazlı seçki proqramını açıqlayıb. F.Şahbazlı qeyd edib ki, gənclər Prezident İlham Əliyev və Birinci vitse-prezident Mehriban Əliyevanın Azərbaycan gəncliyinə göstərdiyi yüksək diqqət və qayğını əsas götürərək, seçkilərdə aktiv iştirak etməyə qərar verib.
AZXEBER.COM xəbər verir ki, o bildirib ki, ölkəmizdə bütün istiqamətlər və hakimiyyətin bütün qollarını əhatə edən islahatlar siyasəti həyata keçirilir. Bələdiyyələrə də bu islahatlara adekvat namizədlərin üzv seçilməsi bələdiyyələrin gücünə əlavə güc qatacaq.
Gənc namizəd qeyd edib ki, açıqladığı proqram bələdiyyə üzvü seçiləcəyi təqdirdə fəaliyyət istiqamətinin əsas konturlarını təşkil edəcək:
"Biz görməyi planlaşdırdığımız işləri müxtəlif istiqamətlərə görə ayırmışıq. Ancaq, şübhəsiz ki, fəaliyyətimiz dövründə müasir tələb və çağırışlara uyğun olaraq, vətəndaşlarımıza xidmət etmək üçün bir sıra əlavə layihə reallaşdıracaq, lazımi addımlar atacağıq”.
Əhalinin sosial və maddi rifah halının yaxşılaşdırılması istiqamətində planlaşdırılan işlər
-Qarabağ müharibəsi əlilləri, veteranları və şəhid ailələri, Böyük Vətən Müharibəsi Veteranları, Xocalı soyqırımı şəhidlərinin ailələri, Çernobıl Əlilləri, Əlillələr Cəmiyyətinin üzvləri, AR Qarabağ Qaçqın və Məcburi Köçkün ailələrinin daimi diqqət mərkəzində saxlanılması
-Aztəminatlı ailələrin problemlərinin həllinə dəstək
-Ehtiyacı olan tələbələrin təhsil xərclərinin ödənilməsinə dəstək
-İstedadlı və yaradıcı gənclərin təşəbbüslərinə dəstək
-Bələdiyyə gəlirlərinin artırılması və vətəndaşların işlə təmininə dəstək məqsədi ilə lokal xaraktetli biznes layihələr
Sosial innovasiyalar və vətəndaşlara göstərilən xidmətlərin asanlaşdırılması istiqamətində planlaşdırılan işlər
-Bələdiyyənin yeni və müasir tələblərə cavab verən internet səhifəsinin, sosial media hesablarının yaradılması
-İnternet səhifəsi, sosial media hesablarında, eyni zamanda KİV-lə əməkdaşlıq şəraitində bələdiyyənin ictimai hesabatlılığın təmini-
-Bələdiyyənin aktiv və 24 saat həqiqətən fəaliyyət göstərən Qaynar Xətt xidmətinin yaradılması
-Vergilərin elektron qaydada hesablanması və ödənilməsi üçün müasir sistemin tətbiqi
-Ay ərzində bir neçə dəfə Açıq Qapı günlərinin elan edilməsi
Abadlıq, yaşıllaşdırma, yenidənqurma və tikinti sahəsində planlaşdırılan işlər
-Məhəllə yollarının abadlaşdırılması və işıqlandırılması
-İstirahət köşkləri və idman güşələrinin yaradılması
-Yaşıllıq zolaqlarının salınması
-Bu istiqamətdə vətəndaş müraciətlərinə dəstək verilməsi
Beynəlxalq əməkdaşlıq
-Bələdiyyə ilə digər ölkələrin bələdiyyələri arasında əməkdaşlıq əlaqələrinin qurulması
-Xarici ölkə bələdiyyələri ilə "Qardaşlaşmış bələdiyyə” layihəsinin genişləndirilməsi
WordPress Hostinq
7.99 AZN -dən başlayan qiymətlərlə
• Pulsuz Domen
• Pulsuz SSL Sertifikat
• 20GB Disk Həcmi
• 1 Hesabdakı saytlar
• Limitsiz E-poçt
Daha ətraflı informasiya üçün: https://hostimul.com/az/hosting-azerbaycan/
