Azərbaycan Prezidenti İlham Əliyev Ermənistan Baş Naziri Nikol Paşinyanla Brüsseldə qısa görüş keçirə bilər.

AZXEBER.COM "Sputnik Ermənistan”a istinadən xəbər verir ki, bunu jurnalistlərə açıqlamasında "Şərq tərəfdaşlığı” proqramının 10 illiyi münasibəti ilə keçirilən tədbirdə mətbuat katibi Vladimir Karapetyan deyib.

V. Karapetyan qeyd edib ki, İ. Əliyevlə bu haqda razılığa gəlinməsə də, yaxın günlərdə "Şərq tərəfdaşlığı” proqramının iştirakçısı olan 6 ölkə liderinin çıxış edəcəyi tədbirin keçirilməsi gözlənilir.

"Əminəm ki, hər iki lider arasında da ünsiyyət olacaq, amma hansı qaydada, deyə bilmərəm” – Karapetyan bildirib.

Xatırladaq ki, Azərbaycan və Ermənistan liderləri sonuncu dəfə bu ilin 29 mart tarixində Vyana şəhərində görüşmüşdü. Bu, İ. Əliyevlə N. Paşinyan arasında ilk rəsmi danışıqlar idi.