Ətrafa keçmiş günlərin, xatirələrin və çoxdan gözlənilən "Köhnə mahnılar" albomunun əhvalı yayılmışdı
Fevraln 13-də"Vətən" kinoteatrında tanınmış azərbaycanlı reper PRoMete öz albomunun təqdimatını keçirdib. AZXEBER.COM-un məlumatına görə, təqdimat başlayana qədər, küçədə izdiham baş verib. PRoMete təqdimata "Hər kəsi burda görməyimə çox şadam. Sağolun ki, mənə dəstək olursunuz. Burada tək albom üçün deyil, həm də sizi maraqlandıran mövzulara toxunmaq üçün toplaşmışıq" sözləri ilə başladı. Təqdimatın xüsusi qonağı Anar Nağılbaz isə, “PRoMete istedadlı gəncdir. Mən ona uğurlar diləyirəm. Əminəm ki, PRoMete Azərbaycan repində önəmli yer tutacaq” deyərək fikirlərini bölüşüb.
Gənclərə 100 nüsxəsini təqdim edən PRoMete, “Bu sizləri köhnə vaxtlara qaytarmaq gücünə malikdir. Hər bir dinləyici albomun tracklərində özünü tapıb, keçmiş günlərə qayıtmaq, xəyallarını və xatirələrini yada sala bilər” deyərək albom haqqında danışdı. Sonda PRoMete pərəstişkarları ilə xatirə şəkilləri çəkdirib. Qeyd edək ki, "Köhnə mahnılar" albomunda artıq hit olmuş mahnılar da yer alıb. Ozal İbrahimli
