Əfqanıstanda şəhid olan türk əsgərləri ilə bağlı yeni məlumatlar açıqlanıb.

NATO missiyası çərçivəsində Əfqanıstanda xidmət edən türk əsgərlərinin içində olduğu "Skorsky" vertolyotu Kabulda qəzaya düşüb. Sabah saatlarında gələn xəbərlərdə 4 türk əsgərinin şəhid olduğu bildirilib, daha sonra isə 8 əsgərin şəhid olduğu xəbəri gəlib.

Xarici işlər naziri Əhməd Davudoğlu sabah verdiyi açıqlamada şəhid əsgərlərin sayının dəqiq müəyyənləşdirilmədiyini deyib. Nazir Kabuldakı bölgə komandanının və səfirin hadisə yerinə getdiyini bildirib.

Silahlı Qüvvələrin Baş Qərargahından verilən açıqlamada isə 12 əsgərin şəhid olduğu bildirilib. Açıqlamada vertolyotun yerli vaxtla saat 07:55-də qəzaya uğradığı qeyd edilib.

Qəzayla bağlı açıqlama verən İSAF rəsmiləri isə hadisənin baş verdiyi bölgədə düşmən fəaliyyətlərinin olmadığını bildiriblər.