14 yaşlı qızı güllələyənin başına pul mükafatı qoyuldu
DÜNYA
14:32 11.10.2012
2072
Pakistan hökuməti "Taliban"a qarşı çıxış edən 14 yaşlı fəal Məlalə Yusufzaya atəş açaraq onu yaralayan şəxsin başına mükafat qoyub. Həmin şəxs barədə lazımlı məlumat verənə 105 min dollar pul mükafatı təyin olunub. Hazırda əməliyyatla başından güllə çıxarılan Məlalə Yusufzay Peşəvərdə xəstəxanadadır. Məlalə Yusufzaya xəstəxanada baş çəkən Pakistanın daxili işlər naziri Rəhman Malik bu hücumu həyata keçirənlərin cəzasız qalmayacağını bəyan edib."Bunu edənlərin kim olduğu müəyyənləşib və xalqımıza söz verirəm ki, onlar qaçmağa müvəffəq olmayacaqlar. Onları həbs edib cəzalandıracağıq. Qızımızın həyatı üçün təhlükə yoxdur, 48 saat ərzində ciddi nəzarət altında qalmalıdır." - Pakistanın daxili işlər naziri belə deyib.Bu arada, 14 yaşlı fəalın güllələnməsi etirazlara səbəb olub. Məlalə üçün yürüş keçirən yüzlərlə pakistanlı bu cür terror hücumlarını pisləyib və ölkələrində sülh istədiklərini bəyan edib.
