Gəncədə 16 yaşında ana olan qızla bağlı təfərrüatlar ortaya çıxıb.
AZXEBER.COM Lent.az-a istinadla xəbər verir ki, 16 yaşlı L.Ə iki il qabaq 1993-cü il təvəllüdlü İbrahim Orucovla ailə həyatı qurub.
Ailə Gəncə şəhəri Adil Ziyadxanov küçəsində yaşayıb.
Qonşular və İbrahim Orucovun bacısı bildirib ki, L.Ə onların qohumudur: "Bu, qızın ikinci evliliyidir. İki il bundan qabaq evləniblər. Lakin o ərə gələndə 18 yaşının olduğunu və şəxsiyyət vəsiqəsinin olmadığını deyib. Zahiri görkəmindən onun 18 yaşdan yuxarı olduğunu düşünmək olar. L.Ə uşaq dünyaya gətirənədək onun 16 yaşı olduğunu bilməmişik".
Qeyd edək ki, 16 yaşlı L.Ə ötən gün 4 kq çəkidə uşaq dünyaya gətirib. Xəstəxana açıqlama verərək bildirib ki, qız xəstəxanaya daxil olan zaman təvəllüdünü gizlədib. Özü isə 110 kq çəkidə olduğu üçün səhhətində problem olub, normal doğuş üçün təhlükə yaranıb və ağır vəziyyətdə xəstəxanaya gəlib.
Gəncə şəhər Baş Polis İdarəsində faktla bağlı araşdırma aparılır.
